Agot, ikinompara kay Palito (Magkamukha raw)

SA totoo lang, hanggang ngayon natatawa pa rin kami roon sa post na ipinagkukompara si Agot Isidro at si Palito. Sa personal naman hindi eh. Maganda naman si Agot, pero hindi namin sinasabing pangit si Palito ha. May sariling charm si Palito kaya siya sumikat ng ganoon.

Nagkataon lang na nagkapareho ang kuha ng picture, at nagpaputol kasi ng buhok si Agot. May nakapansin at alam naman ninyo sa panahon ng quarantine, maraming walang magawa at malilikot ang isip, naisip na kahawig ng isang picture ni Palito.

Hindi naman nagalit si Agot dahil ikinompara siya sa isang sikat at talented na artista. Iyon nga lang alam niyang pinaglalaruan siya ng nag-post kaya ibinlock na lang niya. Tama naman iyon.

HATAWAN
ni Ed de Leon