Boobay at iba pang komedyante, namahagi rin ng relief goods

KASAMA ang kanyang mga kaibigan, naging bukas-palad ang Kapuso comedian na si Boobay sa pagtulong sa mga kababayan nating kapos sa maraming bagay tuladd ng pagkain dahil sa Covid-19.

At para mas maraming matulungan, kinakusap ni Boobay ang kanyang mga kaibigan at kakilala na gustong tumulong at ito ay kanilang pinagsasama-sama at ibinibigay sa ating mga frontliner at mga  hirap sa buhay.

Iba’t ibang pakete ng biskwit, kape, at mga delata ang ini-repack ni Boobay kasama ang kanyang mga kapwa komedyante na sina Pepita Curtis, AJ Tamiza, Nhoi Taleon, at Yvona sa tulong ng mabait at generous na Eat Bulaga co-host na si Allan K na kanilang ibinabahagi.

“Para po sa mga minamahal nating #FRONTLINERS…. mabuhay po kayo! @allan_klownz @pepitacurtis @ajtamiza @nhoitaleon @bouncerdiva @ianred25,” ang caption ni Boobay sa kanyang Instagram post.

Ayon naman sa IG post ni Pepita, bibigyan din nila ng donasyon ang staff ng Klownz at Zirkoh.

MATABIL
ni John Fontanilla