Aktor, pinalayas sa condo at binawi ang kotseng ibinigay ng kanyang benefactor

KUNG kailan naman may ECQ, at hindi sana dapat lumalabas ng bahay dahil sa quarantine, at saka naman nabalita ang tungkol sa isang male star, bata pa naman siya at may hitsura pero lumalabas lamang sa mga supporting roles sa pelikula at sa telebisyon.

Umalis na siya sa condo na rati niyang tinitirahan. Nagco-condo kasi siya dahil medyo malayo ang bahay nila. Pero sa hindi malamang dahilan, pinalayas umano siya sa condo ng kanyang “long time benefactor” at hindi lang iyon, binawi pa sa kanya ang ibinigay niyong kotse sa kanya.

Wala namang sinabing dahilan kung bakit. (Ed de Leon)