Bianca, bilib sa mga frontlfiner

HANGA at bilib ang Kapuso actress na si Bianca Umali sa lahat ng ating mga frontliner na patuloy na nagtatrabaho at nagsasakripisyo sa kabila ng banta ng COVID-19 pandemic.

Ayon kay Bianca, malaki ang kanyang pasasalamat sa lahat ng ating health workers, “To our brave frontliners, maraming-maraming salamat sa inyo. We honor your sacrifices and you are our heroes. May God bless you all and mabuhay kayong lahat.”

Patuloy ding ipinagdarasal ni Bianca ang proteksiyon at safety nilang lahat habang patuloy nilang pinaglilingkuran ang ating mga kababayan, “Maraming salamat po sa pagtulong ninyo sa ating bayan. Sigurado po akong mahirap po ito para sa inyo pero ginagawa ninyo pa rin ang inyong makakaya para sa ating bayan at para sa ating mga kababayan. Saludo po ako sa inyo. May you remain in good health and may God bless you all.”

Rated R
ni Rommel Gonzales