HATAW! D'yaryo ng Bayan hatawtabloid.com
WALANG kumontra sa secret wedding na ginawa nina Sarah Geronimo at Matteo Guidicelli maliban kay Mommy Divine na gumawa pa ng eskandalo.
Grabe. Hindi dapat mangyari ‘yon dahil nanay pa naman siya ng pinakasikat na singer sa showbiz. Dapat niyang malaman na si Sarah ang nalalagay sa alanganing sitwasyon. Si Sarah ang napipintasan sa nangyayaring kaguluhan.
Tama lang na mag-asawa na si Sarah dahil baka sa pagdaan ng panahon hindi na siya magka-anak.
Rowell, madaling napaiikot ni LT
MARAMI ang naaasar kay Rowell Santiago bilang pangulo sa FPJ’s Ang Probinsyano. Manhid ba siya at hindi nalalamang niloloko lang ni Lorna Tolentino?
Tila hindi niya nararamadaman na ginagawa ni LT ang lahat para mapasakamay ang kapangyarihan bilang first lady.
Hindi ba nararamdamaan ni Rowell na patuloy ang paghina ng katawan niya habang iniinom ang gamot na ibinibigay ni LT?
May nagkomento kung mayroon bang first lady na laging nasa tabi ng pangulo at katsika kahit sinong bisita? Hindi ba dapat may sariling kuwarto ito at hindi parampa-rampa sa loob ng palasyo?
Marami tuloy ang namumuhi kay Lorna ngayon.
Rita, na-bash dahil sa pangungutya sa Pangulo
HINDI akalain ni Rita Avila na malalagay siya sa alanganing sitwasyon buhat gampanan ang isang controversial na papel sa pelikulang Walang Kasarian ang Digmaang Bayan na idinirehe ni Jay Altarejos. Si Jay din ang direktor ng Lalake sa Parola.
Inulan ng bashers si Rita dahil sa patutsadang dialogue kay Pangulong Digong na siya ring sanhi para malaglag sa Sinag Maynila Film Festival 2020.
Kuwento ni Rita, ginampanan lang niya ang karakter na hinihingi sa istorya at hindi puwedeng sabihin sa tunay na buhay niya binitiwan ang mga salitang iyon laban kay Digong.
Sana raw ay maunawaan ng mga manonood na gumaganap lang siya sa naturang papel at sana maunawaan siya ng mga basher.
Suweldo ni Nora sa serye, ipinamimigay sa staff at crew
MARAMING mga kabataang taga-Malolos, Bulacan ang natuwa noong ipadala sa kanila ni Nora Aunor ang napanalunangP35K mula sa Bawal Judgmental ng Eat Bulaga.
Hindi naman nakapagtataka ang inugaling iyon ng superstar dahil sa taping man ng kanyang Bilangin Ang Bituin Sa Langit, ibinibigay din niya ang suweldo sa mga staff at crew.
Hindi mayaman si Nora pero kaligayahan talaga ang tumulong sa kapwa.
Hindi nga ba minsang nagpalagay lang ng gasolina si Guy at noong may nakitang mga bata ipinatawag sa driver at binigyan ng pera. Masaya si Guy sa ginagawa niya.
Samantala, maganda ang bahay na ipinagagawa niya sa Iriga sa Bicol. Kaya niya ipinagawa iyon ay para may mauwian siya sakaling magretiro na sa showbiz.
***
BIRTHDAY greetings sa mga March born—Maine Mendoza, Gino Padilla, Cassandra Ponti, Morly Alinio, Bianca Umali, Mayra Yap ina ni Melissa Mendez, Vilma de Guzman at Gabby Eigenmann.
SHOWBIG
ni Vir Gonzales
