HATAW! D'yaryo ng Bayan hatawtabloid.com
ILANG araw pa lang ang nakararaan matapos ang pinag-usapang kasalan, balik trabaho na agad si Sarah Geronimo–Guidicelli.
Ayon sa abs-cbnnews, isang masaya at kumikinang na Sarah ang nagpakita sa ABS-CBN compound kahapon ng umaga para sa taping ng Battle Rounds ng The Voice Teens Philippines, na isa si Sarah sa mga coach.
Kapansin-pansin din ang napakakintab na engagement at wedding ring na suot ni Sarah na masaya niyang ipinakita sa mga nag-request na makita iyon.
Bago ito’y agad naging viral ang isang picture ng mag-asawang Sarah at Matteo Guidicelli kasama ang pamilya nina Judy Ann Santos at Ryan Agoncillo. Ito kasi ang unang picture nina Sarah at Matteo matapos ang kanilang controversial wedding.
Isa si Juday sa pinaka-close na artista kay Sarah. Nakababatang kapatid nga ang pagtingin dito ng batang superstar.
Sa picture na ibinahagi ni Bianca Rufino, isang masayang ‘family picture’ ang makikita na may caption na, “Celebrating life. Thank you for the yummy backyard BBQ feast Judy Ann, Ryan and cutie Agoncillo babies. Congratulations again Sarah and Matteo. Nothing but love. Ashmatt strong.”
SHOWBIZ KONEK
ni Maricris Valdez Nicasio
