HATAW! D'yaryo ng Bayan hatawtabloid.com
GUSTONG maging active ulit sa showbiz ng aktres at beauty queen na si Charo Laude. Bukod sa itinanghal na Mrs. Universe Philippines 2019 at nagwaging Mrs. Universe Popularity 2019 na ginanap sa Guangzhou, China, napanood siya kamakailan sa ABS CBN TV series na Kadenang Ginto.
Sa pelikula naman, parte si Charo ng casts ng MOAX at Jolly Spirit Squad na parehong tinatampukan ni Joaquin Domagoso.
“Gusto kong mas maging active sa showbiz and at the same time, sa mundo ng pageantry,” sambit ni Charo.
Si Charo ay dating member ng Monday group ng That’s Entertainment ni German Moreno. Siya’y naging Binibining Pilipinas 1998 official candidate at graduate ng kursong Mass Communication sa Centro Escolar University. Bukod sa pagiging endorser, TV and print ad model, siya ay isang masipag na businesswoman.
Kabilang sa mga negosyo niya ang Charmish Nail Spa, Charo Milktea, Porkchon Lechon Belly and BBQ, at part owner ng Simons Supreme.
Gusto raw niyang role ay mga kontrabida. Sino ang peg niya bilang kontrabida?
“Si Cherie Gil, dahil Sharonian ako e, and halos lahat ng movie kasi ni Sharon, madalas kasama si Cherie Gil. Plus siyempre, magaling kasi talagang aktres si Cherie,” aniya.
Nabanggit din niyang violence against women and children ang kanyang adbokasiya sa buhay. “Nakare-relate ako sa advocacy ko, kasi na-experience ko iyan during my younger days. Thankful din naman ako sa experience na iyon, kasi from that, doon tayo naging empowered woman at doon tayo humugot ng lakas at naging inspiration din. Mas naging strong ako, ‘yung determination ko ay sobra, because of that experience,” wika ni Charo.
ALAM MO NA!
ni Nonie Nicasio
