HATAW! D'yaryo ng Bayan hatawtabloid.com
ISANG naiibang istorya ang tampok sa Maynila ng GMA-7, starring Kelvin Miranda at Angel Guardian, hosted by Cong. Lito Atienza, pinamagatan itong A Fake Love Story at mapapanood ngayong Sabado, February 8, 9:40 am.
Inusisa namin si Angel ukol sa mapapanood sa kanila this Saturday.
Esplika ng aktres, “Ang role ko rito, ako po si Cheche na isang babaeng bakla na may gusto kay Rambo (Kelvin). So ako, since babaeng bakla ako, desperado akong makuha iyong lalaking gusto ko.
“So, gagawin ko ang lahat para makuha siya, to the point na mali na, na nagsisinungaling na ako, nagtatago na ako ng mga bagay na hindi naman dapat.”
Dagdag ni Angel, “Naghahabol ako kay Rambo rito, sobra… baliw level ako sa kanya rito, obsessed… hayon.
“Bale, comedy na love story po ito, kaya sure kami na mag-eenjoy ang viewers dito.”
Ayon naman kay Kelvin, “Sana ay abangan ng viewers ang Maynila this Saturday, naiiba po ito.”
Paano niya ide-describe si Angel bilang katrabaho? “Okay naman si Angel, magkasundo kami kasi matagal na kaming magkakilala. Actually ako ‘yung reason kung bakit na kay sir Tyronne (manager nila) siya, kasi ako ‘yung nag-recommend sa kanya. Magkaklase kami sa Star Magic, e.”
Ano naman ang masasabi niya kay Kelvin bilang katrabaho? Sagot ni Angel, “Sanay na po ako kay Kelvin, matagal ko na siyang kasama, nagsasawa na nga po ako e, hahahaha”
Kung gawin silang love team, okay lang ba sa kanya? “Okay lang po, kasi wala na kaming ilangan, iyon ang maganda roon, hindi na mahirap, hindi mo na kailangan mag-adjust dahil kabisado na namin ang isa’t isa.”
“Enjoy naman po akong katrabaho si Kelvin, lagi lang kaming naglolokohan, biruan,” wika ni Angel.
Si Angel ay naging introducing sa pelikulang D’ Ninang na tinampukan ni Ai Ai dela Alas. Napanood din siya sa Onanay, Sahaya, at iba pang shows ng Kapuso Network.
Si Kelvin naman ay nagbida na sa pelikulang The Fate at nagmarka nang husto sa Dead Kids na itinampok sa Netflix.
ALAM MO NA!
ni Nonie Nicasio
