HATAW! D'yaryo ng Bayan hatawtabloid.com
PASAWAY no more na nga ba si Cristine Reyes? Yes naman dahil iginiit niyang appreciative na siya ngayon sa kanyang trabaho kompara noong bata-bata pa siya o baguhan.
Ito ang pag-amin ni Cristine sa mediacon ng Untrue na pinagbibidahan nila ni Xian Lim mula Viva Films na mapapanood na sa February 9.
Ani Cristine, “mag 31 na ako at nakilala n’yo ako na feisty, I was 14, 15, teen-ager, you can’t really played for having those days na hindi ko makontrol ang emotions ko. So overtime, matututo ka rin to fixed yourself na hindi lahat ng bagay eh kailangan lalabanan.”
Wala namang nangyari para maging ganito si Cristine. Aniya, “it’s just na I’m trying to be a good person when it comes to myself, to work. I’m really trying.”
Sinabi pa ni Cristine na mas naiintindihan na niya ang pinasok niyang trabaho. “Kasi noong nagsisimula ako, honestly wala akong pakialam noon. ‘Ayokong sagutin ‘yan! Bakit sino ka para sagutin ‘yan?’ Ganoon ako eh.
“Ngayon mas malawak na ang pagkakaintindi ko sa pinasok kong trabaho, na kasama iyon. Ngayon masasabi kong nakakaharap na ako ng maayos, hindi na padalos-dalos, hindi na nagwo-walk-out. May mga presscon na hindi ko pinupuntahan.
“Ngayon mas appreciative ako na andito ako ngayon, mas naa-appreciate ko ang trabaho na mayroon ako ngayon kompara rati,” sambit pa ni Cristine.
Ang Untrue ay isang psychological drama thriller na idinirehe ni Sigrid Bernardo na iikot ang istorya kina Mara at Joaquin, dalawang Pinoy immigrants sa Georgia na mabilis nagpakasal kahit hindi pa lubusang magkakilala.
Nauuwi sa sakitan ang kanilang romansa kaya nagsumbong si Mara sa pulisya. Pero iginigiit ni Joaquin na si Mara ang baliw. Dumagdag pa sa suspense ang misteryosong aparisyon ng isang babae.
SHOWBIZ KONEK
ni Maricris Valdez Nicasio
