HATAW! D'yaryo ng Bayan hatawtabloid.com
ISANG alyas Manasalsal ang walang pakundangan at walang respeto sa kanyang mga kasamahan sa Border Control & Intelligence Unit ng Bureau of Immigration sa NAIA Terminal 1 dahil sa lantarang “escort service.”
Walang pakundangan dahil sa kanyang operation escort service sa mga ilegal na Chinese at Korean nationals, ang walang takot na pinalulusot sa NAIA Terminal 1.
Bukod pa riyan ang mga Pinoy tourist workers na pinalulusot din niya para makalabas ng bansa. Ito pong mga Pinoy tourist workers ay ‘yung target magtrabaho sa lugar na pupuntahan nila kahit wala silang OEC mula sa POEA.
Diyan kumikita nang laksa-laksa si alyas Manasalsal. Ang hindi natin maintindihan, bakit parang walang paki ang mga hepe ni alyas Manasalsal.
Bakit tila bulag, pipi, at bingi sila sa mga aktibidad ni Manasalsal. Nakikinabang ba sila?!
Supposedly, ang BI-NAIA Border Control & Intelligence Unit ay may tungkulin na mangalaga sa seguridad ng bansa sa pamamagitan ng pagbabantay sa border ng ating bansa.
E bakit, may isang miyembro sila na pasimuno ng escort service?
E kung ganyan lang din naman ang gagawin ng ilang miyembro nila at hindi nasasawata ng kanilang hepe, aba, palitan na natin ang pangalan, gawin na lang Border Control & Escort Unit?!
Ano sa palagay ninyo Atty. Tacorda?!
Ayos na ayos ba ‘yan sa inyo ni alyas Manasalsal?!
Apir na apir ‘di ba?!
Ayos na ang buto-buto n’yo!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
