HATAW! D'yaryo ng Bayan hatawtabloid.com
NAKALULUNGKOT naman kung totoo ang narinig namin na baka hindi masipot ni Coco Martin ang taunang Parade of Stars ng Metro Manila Film Festival 2019 sa Linggo. Si Coco ang bida sa pelikulang 3Pol Trobol: Huli Ka Balbon kasama sina Ai Ai delas Alas, Jennylyn Mercado, at Sam Milby.
Ang sinasabing dahilan, ang first shooting day ni Coco ng isang bagong movie na sisimulan sa Star Cinema.
Sa loob ng maraming taon, isa si Coco sa prominenteng personalidad sa taunang Parada ng mga Bituin. Inaabangan ang float ng pelikula niya. Tiyak na marami ang malulungkot na hindi nila masilayan ang Idol Ng Masa ngayong taon sa parada.
Sana’y magawan ng paraan ni Coco na maipaalam sa production para payagan siya na mailipat sa ibang araw ang first shooting day. Iba pa rin kasi kapag present si Coco na isa sa pinakamalaking crowd drawer tuwing MMFF Parade of Stars. (MVN)
