HATAW! D'yaryo ng Bayan hatawtabloid.com
NILINAW ni Vic Sotto na hindi niya pinakikialaman ang personal na buhay ni Maine Mendoza kahit close sila o madalas silang magkasama sa trabaho. Bukod sa kanilang Daddy’s Gurl sa GMA 7, magkasama rin sila sa entry ng APT Entertainment Inc., sa Metro Manila Film Festival 2019, ang Mission Unstapabol: The Don Identity.
Giit ni Vic, trabaho lang sila ni Maine at walang personalan. “Basta kami ni Maine, trabaho lang, walang pesonalan. Kasi hindi ko ugali ang nangingialam sa personal na may personal.
“Ang sa amin, trabaho, maganda ang pakisamahan namin kasi naniniwala akong magaling siyang aktres at masarap siyang kausap. Masarap siyang kasama, she’s very professional, pero pagdating sa personal na buhay, eh, bahala kayo sa buhay niyo.”
Hindi rin naman kasi nag-o-open si Maine ng ukol sa kanyang personal na buhay.
“Hindi kasi ako ‘yung tipong nagbibigay ng kung ano-anong advise. Siguro kapag minsan napag-uusapan ang buhay-buhay ganoon lang.”
Samantala, masaya si Vic na kasama sa MMFF ang kanilang entry dahil isa ang festival sa nakapag-papakompleto ng kanyang Pasko.
“Kompleto ang Christmas kapag may filmfest. At ngayong Pasko, siyempre sama-sama kami, lagi namang ganoon eh. Sa mga Filipino, importante ang pamilya eh. So first things first, family at kasama ko ang aking mga anak, ang aking misis, mga kapatid, usually nagsasama-sama kami,” sambit pa ni Vic.
SHOWBIZ KONEK
ni Maricris Valdez Nicasio
