HATAW! D'yaryo ng Bayan hatawtabloid.com
MAGBABALIK ang tinaguriang Hugot King na si Kiel Alo sa Music Box matapos ang unang pagtatanghal niya rito via his first solo concert It’s My Turn. At sa Miyerkoles, December 18, 9:00 p.m. muli siyang babalik sa Music Box para sa kanyang Back Home concert.
“It’s nice to look forward to coming home. Mas marami kaming inihanda ng musical director naming si Tito Butch Miraflor sa show. Kasama ko ang mga kapatid ko sa music industry na sina Carlo Mendoza, LA Santos and Kyle Matthew Manalo and for the first time ay maggi-guest ang little sister naming si Kanishia Santos, younger sister actually ni LA. This will be her first public appearance. Siyempre, nandiyan pa rin ang ibang guests namin like The Voice of Asia nating si Dessa, ang mahusay na impersonator nating si Dulce a.k.a. Tina Turner at PGT’s Hugot Diva Orville.
“This is something very intimate—our Christmas gift for you all. Sarap mag-perform sa ganito ka-cozy na venue—malamig and malinis ang Music Box. At saka, mas madaling puntahan.
“Anyway, this is also our way of thanking our loyal patrons for the many years of supporting us sa lahat ng show namin. Advance Merry Christmas to one and all,” ani Kiel na katatapos lamang ng kontrobersiyal at matagumpay na concert sa Music Museum noong November 6.
Ani Jobert Sucaldito, producer at direktor ng Back Home, pinasasalamat nila ang mga presenter at major sponsors para maging matagumpay ang event na ito, sila’y ang Aficionado, Sen. Manny Pacquiao, Sen. Bong Revilla, Karaoke Republic, Ms. Chaye Cabal-Revilla, Mr. Art Atayde, Mr. Atong Ang, Mr. Manny Garcia, Quadro, Ms. Jen Legaspi, Mr & Mrs. Nixon, at Adela Teng at marami pang iba.
Ang Back Home ay handog ng Front Desk Entertainment Production. Mabibili ang tiket sa gate.
