HATAW! D'yaryo ng Bayan hatawtabloid.com
AMINADO si Carmina Villaroel na higante ang mga kasabayan nilang entry sa Metro Manila Film Festival na ipalalabas sa Disyembre 25. Pero umaasa siyang panonoorin ang pelikula nilang Sunod dahil sa wala pa silang ginagawa, wala pang eksena, mararamdaman na ang takot.
Bale ngayon lang uli gumawa ng horror movie si Carmina matapos ang maraming taon. Ang huli niyang horror movie ay ang Shake, Rattle and Roll ng Regal Films. ”Twelve years old pa lamang yata ako noong ginawa ko ‘yan?” ani Mina.
Sinabi pa ni Carmina na iniiwasan niyang gumawa ng horror movie dahil matatakutin siya.
“At saka feeling ko noon, sumasama sa akin. Sinusundan ako ng mga kaluluwa. Kasi siguro problemado ako noon, ito ‘yung dalaga pa ako. Pero nang nag-asawa na ako at nagka-anak, nawala na,” esplika ni Carmina.
“Pero nang ibigay nila ang script nitong ‘Sunod,’ nagustuhan ko agad siya,” sambit pa ni Carmina.
Sa kabilang banda, nilinaw niyang hindi siya tinanggal sa The Heiress na dapat ay gagampanan niya ang role ni Sunshine Cruz.
“Hindi ako umalis, hindi ako tinanggal, pero parang tinanggal na nga rin ako. Nagkaroon lang kami ng parang misunderstandings,” paliwanag ni Mina.
Gagampanan ni Carmina ang isang ina sa Sunod na nagtatrabaho sa isang call center. Sa pelikula’y ipakikita nila ang mga misteryo sa call center.
SHOWBIZ KONEK
ni Maricris Valdez Nicasio
