Reymond Sajor, sa Indonesia naman makikipag-meet and greet sa fans

MATAPOS na umikot sa mga TV at radio shows ang singer na si Reymond Sajor para sa kanyang single na Road Trip, muling lilipad ito pa-Indonesia para roon naman kalampagin ang kanyang mga tagahangang sumusuporta na sa nasabing kanta sa lahat ng platforms like Spotify, iTunes at marami pa.

Sa nasabing paraan, nagagawa ni Reymond na mas lalong mapalapit sa kanyang mga taga-suporta dahil naipapahayag din naman agad sa kanya ang saloobin ng mga ito sa pakikinig sa kanyang awit.

Produkto si Reymond ng singing search. Sa Indonesia, naging bahagi siya ng Golden Memories Asia. At nakilala bilang Philippine Idol finalist noong 2006.

Kaya naman basta may panahon siya, ini-schedule niya ang meet and greet sa nasabing bansa na unang yumakap sa kakayahan niya sa pagiging isang mahusay na mang-aawit.

After ng Road Trip, isang kanta na naman ang aabangan sa binata na tiyak ikatutuwa na naman ng kanyang followers hindi lang dito o sa Indonesia kundi sa buong Asya na!

Abangan!

HARD TALK!
ni Pilar Mateo