HATAW! D'yaryo ng Bayan hatawtabloid.com
ALL praises si Maricel Soriano sa kanyang co-stars sa The Heiress na sina Janella Salvador at McCoy de Leon. Ginagampanan ni Maricel sa The Heiress ang isang mambabarang at ito’y mapapanood na sa Nov. 27 sa mga sinehan nationwide. Idinirehe ito ni Frasco Mortiz.
Tila anak-anakan na nga ang turing ni Maria sa dalawa kaya naman feeling blessed ang dalawang Kapamilya stars dahil na-experience nila ang pagiging thoughtful and sweet ng magaling na aktres.
At nang makapanayam namin sina Janella at McCoy, aminado silang maraming natutuhan kay Maria. Katunayan, binigyan pa sila ng advice nito.
Samantala, sinabi ng Diamond Star na, na-miss niya ang paggawa ng horror movie dahil ang last pa niya ay ang T2 kaya naman nang i-offer sa kanya nina Mother Lily at Roselle Monteverde ng The Heiress agad niya itong tinanggap bukod pa na ikinokonsidera niyang bahay niya ang Regal.
Sabi nga ni Maricel, “Dito naman talaga kay Mother Lily ako nagsimula. Kaya every time she needs me, nandito lang ako kasi gusto ko talagang mapasaya siya. Sabi ko nga, basta si Mother Lily, kahit walang bayad.”
Sa kabilang banda, hindi itinago ni Maria na nalungkot siya nang hindi naisama sa Metro Manila Film Festival 2019 ang kanilang pelikula. “Who are we to question kung anong plano ni God. Malay natin, ngayong we are given an earlier playdate, mas malaki pala ang kitain ng movie namin, eh ‘di magiging mas masaya si Mother Lily. So thankful lang kaming nabigyan ng earlier playdate at mas mauuna pa kaming ipalabas kaysa roon sa entries sa filmfest. And I can assure the viewers, lalo na ‘yung mahilig sa horror films, na hindi sila mabibigo sa pelikula namin. Magaling na direktor si Frasco Mortiz, anak ni Bobot Mortiz. Fresh ang ideas niya kasi bata pa.”
Tama naman ang sinabi ni Maricel dahil sa trailer pa lang nakatatakot na. Kaya watch kayo ng The Heiress.
SHOWBIZ KONEK
ni Maricris Valdez Nicasio
