HATAW! D'yaryo ng Bayan hatawtabloid.com
AMINADO ang actress/singer na si Sheree na first love talaga niya ang singing. Bunsod nito, masaya si Sheree dahil mas nare-recognize na rin ngayon ang kanyang talent bilang singer.
Ang dating Viva Hot Babe ay nakapag-release na ng three songs at ang isa rito ay nominated sa darating na 2019 PMPC Star Awards for Music para sa kategoryang Dance Recording of the Year.
Kabilang sa nominees ang: Ako Lang Sana (Hashtags) Star Music, Breathless (Jayda Avanzado) Star Music, Cebuana (Karencitta) Viva Records, Chambe (Alex Gonzaga) Star Music, Otso Na (Toni Gonzaga and Alex Gonzaga) Star Music, Poison (Darren Espanto) MCA Music, Inc., Sasamahan Kita (Loisa Andalio) Star Music, at We Don’t Give A F**k ni Sheree mula Viva Records.
Nagpasalamat si Sheree sa PMPC sa natamong nominasyon. “Yes, very happy po. I’ve worked really hard for the past years sa music ko. I’ve invested also sa album ko kaya masayang-masaya ako na napansin ang mga kanta ko,” masayang saad niya. Malaki po ang pasasalamat ko sa PMPC na na-recognize nila ‘yung song ko at na-nominate ako kasama ang mga talented na mga artist. Dahil dito, mas na-inspire po ako to work harder with my music,” saad niya.
Sa panayam namin kay Sheree, ipinahayag din niya ang sobrang paghihinayang nang hindi siya nakapag-perform sa semi-finals ng Tawag ng Tanghalan sa It’s Showtime.
“Nalungkot po talaga ako na ‘di ako nakasali sa semi. Dream ko po na ma-recognize ako as a singer, since ‘yun po talaga ang first love ko. And ‘yung opportunity sa TNT sobrang nanghinayang talaga ako. Pero baka ‘di para sa akin kasi ‘di po talaga nagawan ng paraan,” aniya.
Dagdag ni Sheree, “Gusto sana nila (It’s Showtime) na baguhin ko ‘yung schedule ko, ‘di naman din po kasi inakala ng lahat na mananalo ako. Nagkataon lang talaga na nai-book na ‘yung Europe tour ko bago pa naibigay ang semi and finals na schedules. Thankful naman ako sa TNT kasi, naintindihan po nila ‘yung reason ko and it was nobody’s fault naman po talaga.”
Samantala, nabanggit din ni Sheree na happy siya sa patuloy na mataas na ratings ng TV series nilang Kadenang Ginto na pinagbibidahan nina Francine Diaz, Dimples Romana, Beauty Gonzales, Andrea Brillantes, at iba pa.
ALAM MO NA!
ni Nonie Nicasio
