Mojak, sobrang happy sa nominasyon sa PMPC Star Awards for Music

SOBRA ang kagalakan ng talented na singer/composer/comedian na si Mojak nang ma-nominate siya sa darating na PMPC 11th Star Awards for Music.

Masayang kuwento niya, “Naku, pagkabasa po ng inilabas na line-up para sa 11th PMPC Star Awards for Music, ‘yung mga nominated at nakita ko ang pangalan ko napasigaw ako! Seryoso ba ito?! Isa ako sa mga nominated?! Ganoon po pala ang feeling nang maihilera ka sa mga tini­tingala natin sa industriya, specially ang mentor ko at tumulong din sa akin sa Punchline na si Mama Vice (Ganda), mahal na mahal ko po iyan kuya at inire­respetong sobra.”

Actually, dala­wa ang nomi­nasyong nasungkit ni Mojak, kaya halos hindi siya maka­paniwala sa bles­sing na dumating sa kanya. Nominado siya bilang Novelty Artist of the Year kasama sina BlankTape (Pekeng Pag-ibig) Lodi Music, Bugoy Drilon (Namo) Star Music, Dj Jhai Ho and DJ Joco Loco (Agey Agey Hey) Star Music, Mel Sorillano (Bakit Pa Kasi) Ivory Music, Mojack Perez (Katuga) Lodi Records, at Vice Ganda (Dahil Kasama Mo Siya) Star Music.

Ang isa pang nominasyon niya ay bilang Novelty Song of the Year. Ang mga nominado rito ay, Dahil Kasama Mo Siya (Vice Ganda) Star Music, Gigili­cious (DJ Eva Ronda) Star Music, Katuga (Mojack Perez) Lodi Records, Malia, Malia (Malia feat. Pokwang) Star Music, Namo (Bugoy Drilon) Star Music, at Pekeng Pag-ibig (BlankTape) Lodi Music.

ALAM MO NA!
ni Nonie Nicasio