HATAW! D'yaryo ng Bayan hatawtabloid.com
GULAT na gulat si Nadine Lustre nang kinokompirma ng entertainment press kung siya ang tinutukoy sa mga mga blind item na sinasabing buntis.
Ani Nadine bago umpisahan ang presscon ng Your Moment, hindi niya alam na buntis siya.
“Ha?! Buntis ako?! Bakit hindi ko alam na buntis ako?!
“I guess buong taon tuloy-tuloy (paglabas sa TV at movie) din naman ako. So I think well deserve ko naman na magpahinga and may mga kailangan din akong asikasuhin outside showbiz.”
Natatawa nga si Nadine kung saan nanggaling ang balitang buntis siya. ”Hindi naman nanggaling sa akin kaya huwag nang paniwalaan,” giit niya.
Nang usisain kung bakit siya pumapyat, sinabi nitong nagkasakit siya. ”Viral po and karamihan ng tao may sakit. Kakagaling lang sa rainy seasons.”
Samantala, mapapanood sa Pilipinas sa unang pagkakataon ang Your Moment, ang pinakabagong talent-reality format mula ABS-CBN at Fritz Productions ng Netherlands, tampok ang samo’tsaring dancing at singing acts mula sa loob at labas ng bansa na magtatanghal ng dalawang grand champion sa dalawang talent category sa finals.
Magsisimula ito sa Nobyembre 9 kasama ang judges na sina international RnB sensation Billy Crawford, multimedia princess Nadine Lustre, at star builder Boy Abunda na gagamit ng ‘emotion meter knob’ para bigyan ng score ang bawat performance.
Kulay at excitement ang hatid ng programa sa bawat weekend dahil sa makabago at engrandeng set nito na masasaksihan ng audience at judges ang lahat ng performances sa salit-salitang pag-ikot sa magkahiwalay na dancing stage at singing stage.
Iba-ibang karanasan ang dala ng bawat judge sa kompetisyon na sasalain ang bawat act dahil magiging mahigpit ang mga mata ni Billy (isang world-class performer at host na may malawak na international experience), ni Nadine (na minsan ding sumabak sa auditions at naging bahagi ng isang sing-and-dance girl group bago maging isang award-winning actress at recording artist); at ni Tito Boy (na isang respetadong TV personality, talent manager ng ilan sa mga pinakamaningning na bituin sa bansa, at mapagkakatiwalaang talent search judge).
Sa kabilang banda, pangungunahan naman ang Your Moment ng multi-awarded TV personality na si Luis Manzano at dance icon na si Vhong Navarro bilang hosts.
Magsisimula sa black and white ang bawat performance na habang tumatakbo ay unti-unting magkakakulay at magkakailaw ang stage, samantalang tatlong beses namang kailangang magbigay ng score ang judges gamit ang ‘emotion meter knob’ mula sa pinakamababang score na 1 hanggang sa pinakamataas na 10. Lalabas din sa screen ang ‘emotion meter’ na ipakikita ang scores ng judges sa tuwing papatak sa tatlong ‘time markers’ (20 segundo, 60 segundo, at 90 segundo) ang performance.
Apat na levels ang kailangang pagdaanan ng acts sa kompetisyon bago tanghaling grand champion: ang ”Your First Moment,” “Your Moment of Choice,” “Your Moment of Power,” at “Your Grand Moment.”
SHOWBIZ KONEK
ni Maricris Valdez Nicasio
