Ugali ni magandang aktres, ‘di feel ng madir ni aktor

AWARE kaya ang magandang aktres na ito kung ano ang dahilan kung bakit hindi siya feel na madir ng dyowa niyang nakipag-split sa kanya?

Ang tsika, may ugali pala ang aktres na ikinabuwisit ng biyenan niyang hilaw sa tuwing bumibisita ito sa baler nila.

“Naku, saan ka ba naman nakakakita na ikaw na nga itong bisita lang, eh, hindi mo makuhang bumati ng ‘good morning’ o ‘good evening’ sa mismong may-ari ng bahay?” naghihimutok na kuwento ng aming source.

Sa tuwing nagsasadya pala ang aktres sa balay ng dyowa niyang aktor ay dire-diretso lang ito sa second floor na naroon ang kuwarto ng pakay niya.

“Magbigay-galang man lang siya, ‘di ba? Hindi naman chimi-aa ang nagpatuloy sa kanya sa bahay kundi nanay ng boypren niya. Maano ba namang mahiya siya ng kaunti, naturingan pa mandin siyang sweet kuno sa TV at pelikula. Hmp!” dagdag pang sey ng aming source.

Da who ang magandang aktres na itey? Itago na lang natin siya sa alyas na Thea Malonzo, no relation to Rey Malonzo!

(Ronnie Carrasco III)