HATAW! D'yaryo ng Bayan hatawtabloid.com
ANO na ba ang nangyayari sa mundo? Kumalat pa sa social media na sila na rin mismo ang nagbabahagi na mga miyembro ng Barretto clan sa pagma-maltrato nila sa isa’t isa.
Akala ko nga sa pelikula lang napapanood o sa komiks lang nababasa ang eksena sa burol ng ama nilang si Mike Barretto ng mga anak nito at apo.
Sa harap ng nakahimlay na ama, ni katiting na respeto, hindi naisa-isantabi ng mga may samaan ng loob at away na magkakapatid at sinalihan pa ng pamangkin. Anong kaguluhan ito?
Parang gusto naman nila na sumikip ang dibdib ng kanilang ina para ito naman ang sumunod. Ganoon ba ‘yun?
Limitado man ang oras at araw para makapiling sa huling sandali ang ama, ni hindi nila nakuha na patahimikin ito sa kanyang pagkakahimlay.
Wala na bang natitirang hiya sa mga anak ng pumanaw at lagi ng nasa warpath? Kulang na nga lang eh, magpatayan.
Nakalilimutan na nila kung bakit sila blessed. Magang-maga na ang mga ego.
Ni hindi mo nga talos kung ano ba ang pinag-uugatan ng mga masasabing petty quarrels nila.
Sa tingin niyo, saan nagkamali ang mga magulang nila? Mga anak, bakit kayo nagkaganyan?
HARDTALK
ni Pilar Mateo
