HATAW! D'yaryo ng Bayan hatawtabloid.com
“W ALANG Mayor-mayor sa akin!” ito ang mga salitang binitiwan ng isang kagawad sa isang barangay sa Maynila na inireklamo’t iniharap sa pulisya nang mahuling naghahapi-hapi ang grupo sakop ang isang kalsada.
Mahigpit nga namang ipinagbabawal ang pag-inom sa mga pampublikong lugar na isang pambansang ordinansa.
Pero giit ng kagawad, maliit masyado ang kanyang tinitirhan para magkasya ang mga nagdiriwang ng kaarawan ng isang kaanak.
Hindi ito pinalampas ng aktor-politiko na ngayo’y Manila City Mayor Isko Moreno. hitsurang dis-oras na ng gabi’y napasugod siya sa himpilan ng pulisya na roon dinala ang kagawad.
Nagkataon pang masama noon ang pakiramdam ni Mayor Isko, pero hindi niya ‘yon inalintana.
May pagkamaangas kasi ang kagawad na nakuha ngang magsalita na walang mayor-mayor sa kanya, kaya si Mayor Isko na ang siyang nagsadya sa kanya, ”Baka nami-miss mo na ‘ko kaya ako na ang nagpakita sa ‘yo,” pabiro pero sarkastikong bungad ng alkalde sa opisyal ng barangay.
Doon lang namin natuklasan na talagang leadership by example ang estilo ni Mayor Isko, ”Kahit nga kating-kati ako manigarilyo, naghahanap talaga ako ng liblib na lugar para magyosi.”
Ang pagiging smoker niya ang hindi lang naming nadiskober kundi ang mismong pagtalima niya sa batas.
‘Kakabilib!
HOT, AW!
ni Ronnie Carrasco III
