HATAW! D'yaryo ng Bayan hatawtabloid.com
GRABE ang mga natatanggap na request ng mga FM station tulad ng Barangay LS, Win radio, Wish FM, at MOR sa latest song ng JBK, ang Anestisya.
Ultimate hugot song kung ilarawan ito ng mga listener dahil sa relatable lyrics. Kaya naman masayang-masaya ang JBK dahil patuloy ang pagsuporta ng tao sa kanilang kanta
Anang grupo na kinabibilangan nina Joshua Bulot, Bryan del Rosario, at Kim Ordonio, ”Masarap sa pakiramdam na maraming tinamaan sa song namin. Ibig sabihin, naka-relate sila. Mahalaga sa amin ‘yun na nararamdaman nila ‘yung mensahe ng kanta. Sana patuloy pa nilang i-request sa lahat ng FM stations.”
Sa mga hindi pa nakakakilala sa JBK, sila ang grupong naging semi-finalist sa X-Factor UK 2017. Pagkatapos nito’y nakilala na ang grupo lalo na nang gamiting themesong ang kanilang mga kantang Maibalik at Anong Meron Ka sa mga Koreanovela sa GMA.
More than 100,000 views na ang lyrics video ng Anestisya sa YouTube channel ng Rider PH Studios.
Ang Anestisya ay isinulat ni Jojo Panaligan at ipinrodyus ni Lester Ramos.
Mapakikinggan ang Anestisya sa Spotify, iTunes, at iba pang digital music platforms. Puwede pa ring i-request ito sa iba’t ibang FM stations.
