HATAW! D'yaryo ng Bayan hatawtabloid.com
PATULOY ang pagdating ng magandang kapalaran sa BidaMan finalist ng It’s Showtime na si Ron Macapagal. Marami kasi siyang naka-line up na projects ngayon at nabibigyan din ng exposure sa ABS CBN.
Kamakailan ay pumasok ang pelikula nilang Cuckoo as finalist sa Festival Internacional Cinema Figueira de Foz sa Portugal na ginanap last September 5-10. Ang pelikula ay kuwento ng mapait na kasaysayan ng lalaking si Leandro na humantong sa pagkabaliw, bunsod ng sinapit na trahedya nang barilin sa harap niya ang kanyang ina. Dahil dito ay naging masalimuot ang buhay niya na nagresulta ng malagim na katapusan.
Bida sa naturang pelikula ni Direk Romm Burlat si Ron na isang contract artist ng Regal Films at apat na beses nang nanalo ng Best Actor award sa ilang indie filmfest. Siya ay recipient din sa taong ito ng Outstanding Men and Women of the Philippines.
Aminado si Ron na sa mga artista ngayon, si Jericho Rosales ang gusto niyang sundan ang yapak. “I have always admired the acting skills of Jericho Rosales. Besides his acting career, I also love the way he lives his adventurous life.”
Ipinahayag din ni Ron ang pasasalamat sa manager niyang si Direk Romm. “I have worked with Direk Romm for a long time and I am really thankful sa kanya, because he always gives me challenging roles to further improve my skills in acting,” nakangiting saad niya.
Samantala, katatapos lang gawin ni Ron ang isang mainstream movie na bawal pang banggitin ang details sa ngayon, pero tampok dito ang dalawang mahusay na aktres at aktor. Isa pa sa dapat abangang pelikula ni Ron ang Bakit Nasa Huli Ang Simula, na first starring role ng beauty queen-turned actress na si Ms. Faye Tangonan, with William Martinez, Lance Raymundo, Lester Paul, at iba pa.
ALAM MO NA!
ni Nonie Nicasio
