Richard at Sarah, sa Marso 2020 ikakasal

INIHAYAG kahapon nina Richard Gutierrez at Sarah Lahbati na sa Marso 2020 na magaganap ang kanilang kasal. Ginawa ang pahayag na ito sa isang Special Announcement presscon na ipinatawag kahapon ng hapon na ginanap nasa 9501 Restaurant ng ABS-CBN.

Hindi pa masyadong nagbigay ng detalye sina Richard at Sarah ukol sa kasal maliban sa rito sa Maynila magaganap at siyempre may partisipasyon ang kanilang dalawang anak na sina Zion at Kai.

May theme na old school romance ang magaganap na kasalan ng dalawa.

Matatandaang unang ibinahagi ni Sarah ang plano nilang pagpapakasal June this year sa kanyang Instagram account. Doo’y ipinost niya ang picture ng kanyang panganay at si Richard noong nasa Hawaii sila na may caption na, “That afternoon in Hawaii with my family.

(kai was with his granny ). As we officially prepare for our wedding next year, I can’t help but feel grateful for this life I have, for my beautiful and amazing family, for my best friend who also happens to be the love of my life.

“I thank God for all the lessons, for His guidance and for growth.

“Being able to experience new things and places with the person you love and grow at the same time is something magical.

I thank God everyday for what I have and for what’s to come.”

Ito muna ang ibabahagi namin sa kasalang Richard at Sarah, sa mga susunod nang column namin tatalakayin ang kanilang sumpaan at kung paano nga ba nag-umpisa ang kanilang pagmamahalan.

 

SHOWBIZ KONEK
ni Maricris Valdez Nicasio