Ang Henerasyong Sumuko sa Love, barkada movie na ‘di pabebe

IGINIIT ni Direk Jason Paul Laxamana na ang bagong pelikula niyang handog mula Regal Entertainment ay isang barkada movie na no holds barred.

“Hindi siya pabebe, ‘di rin siya pa cute lang,” paglilinaw ng direktor. “Gusto naming ipakita ang totoong suliranin ng mga kabataan ngayon.”

Sinabi pa ni Direk Jason, na nag-hold sila ng audition para makuha ang mga bidang artistang sina Jane Oineza, Jerome Ponce, Albie Casiño, Myrtle Sarrosa, at Tony Labrusca, 

“Talagang sinala namin sila (mga bidang artista) para bumagay sa role. Hindi role ang nag-adjust sa artista,” giit ni Direk Jason.

Puring-puri ni Direk Jason ang kanyang mga artista. “Si Albie ang pinakaraming beses kong naka-work. Siguro apat na. Magaling ‘yan, alam na niya.

“Si Jane, 2nd time ko nakatrabaho, swak na siya.

“Si Myrtle, first time at nag-audition siya at the same time I make sure na kaya niya ang scenes kasi magdyowa sila rito ni Albie, magka-live in, partner. May mga ipinakita kaming hindi pa-cute, more on intimate side.

“Si Jerome, noong una ayaw niya, parang natatakot siya sa role, gusto niya ibang role. Sabi ko ‘alam mo feeling ko ikaw lang ang makagagawa nito.’ Nag-audition naman siya. Sinabi ko sa kanya na, ‘I really see you as a character actor,’ parang level up sa kanyang acting and I’m glad nagpabudol naman siya sa akin.

“Si Tony, nag-click kami niyan, siyempre galing siya ng ‘Glorious,’ pero sabi ko, I don’t want people to see you as a sex object. I want people to see more than that.”

Idinagdag pa ni Direk Paul na ginawa niya ang pelikula dahil, “its for millennials to understand themselves more kung bakit sila nagkakaganyan kasi ang dami kong research na ginawa kung bakit ganito mag-isip ang mga ka-generation ko. So walang singular message sa isa’t isa eh.”

Sa kabilang banda, hindi pa man naipalalabas ang Ang Henerasyong Sumuko Sa Love, naka-9 million views na agad ang trailer nito. Kaya patunay itong maging malaking impact sa viewers.

Kasama rin sa pelikula sina Kelvin Miranda, Kayla Heredia, Anjo Damiles, at Thia Thomalla, na leading lady ni Alden Richards sa GMA Network’s primetime series na The Gift.

Mapapanood ang Ang Henerasyong Sumuko sa Love simula October 2.

SHOWBIZ KONEK
ni Maricris Valdez Nicasio