HATAW! D'yaryo ng Bayan hatawtabloid.com
NAGHATID ng solid na entertainment at ligaya sa mga taga-Angeles City, Pampanga ang pinagsanib na puwersa ng mga Kapamilya at Kapuso stars para sa Beautederm Flagship Store Grand Opening na ginanap last September 22 sa Marquee Mall. Present sa star-studded event ang Beautederm CEO and owner na si Rhea Anicoche Tan at Chief Operating Officer na si Sam Tan.
Kabilang sa higit dalawang dosenang ambassadors/endorsers na tampok sa naturang event, ang Face of Beautederm na si Sylvia Sanchez, Beautederm Gold ambassador na si Lorna Tolentino, Carlo Aquino, Arjo Atayde, Ejay Falcon, Ken Chan, Ria Atayde, Jane Oineza, Ryle Santiago, Sherilyn Reyes, Pauline Mendoza, Glydel Mercado, Maricel Morales, Rochelle Barrameda, Jimwell Stevens, Jestoni Alarcon, Anne Feo, Kitkat, Alyanna Asistio, Lance Tan, Bulacan Board member Alex Castro, San Manuel Tarlac Mayor Donya Tesoro, at Dra. Riza Caldoza. Special guests sina Kakai Bautista at Boobay. Nagsilbi namang hosts ang ambassadors na sina Shyr Valdez at Darla Sauler.
As usual, nagpaulan ng papremyo rito si Ms. Rhea ng iba’t ibang Beautyderm products. Sa special song number ni Ms. Sylvia na apat na nanay ang hinatak niya sa stage, lahat sila ay binigyan ng cash ng BeauteDerm lady boss.
Kabilang sa tinilian nang husto ng fans sina Carlo, Arjo, Ejay, Ken, at iba pa. Pero ang isa sa highlight na unang bumulaga kay Ms. Rhea ay naganap sa simula ng event nang sorpresang dumating ang idolong veteran broadcaster at TV host na si Ms. Korina Sanchez. Bukod sa nagulat, napaiyak si Ms, Rhea sa gesture na ito ni Ms. Korina.
“Ako po ay nagpapasalamat sa imbitasyon ng taga-Beautederm at dito po sa inyong mainit na pagtanggap sa aming lahat dito sa Beautederm kasama ni Ms. Rei Tan dito sa Pampanga. Sana po salubungin po natin ng pagmamahal at pagtanggap ang flagship store ng Beautederm dito po sa Pampanga. Maraming-maraming salamat po and Rei, congratulations to you! Alam kong hindi na mapipigilan ang Beautederm sa pag-angat nito sa buong Filipinas at kahit sa buong mundo dinadala ang bandila ng Filipinas sa lahat ng parte ng daigdig. Congratulations! I’m sure this is just the beginning of 10-fold of the success of Beautederm.”
Tugon dito ni Ms. Rhea, “Totoo ba ito? Ma’am, I’m speechless and really lost for words. Ladies and gentleman, palakpakan po natin si Ms. Korina Sanchez, ang aking idolo. Ako po ay nag-MassCom dahil po sa kanya. Hindi ko po alam ang gagawin ko kanina, kung magko-collapse ba ako, nanginginig ako hanggang ngayon kasi sobrang idol ko siya.”
Saad naman ni Ms. Korina bilang reaction, “I started a business because of you.”
Ang flagship store ng Beautederm ay located sa 2nd floor ng naturang mall. Isang consistent Superbrands awardee, ito ang 88th store ng Beautederm. Para sa karagdagang mga balita at updates ukol sa Beautéderm Corporation, sundan ang @beautédermcorporation sa Instagram at i-like ang Beautéderm sa Facebook.
ALAM MO NA!
ni Nonie Nicasio
