HATAW! D'yaryo ng Bayan hatawtabloid.com
MARESPETO naman palang nagpaalam si Baron Geisler na timeout muna siya sa FPJ’s Ang Probinsyano. Nope, hindi pa ikakasal si Baron sa kanyang psychologist-girlfriend kundi magpapa-rehab.
Tama po ang dinig n’yo. Back to rehabilitation ang mahusay pa namang aktor bilang tinik sa lalamunan ni Coco Martin sa longest-running primetime teleserye.
Kung magpapa-rehab (uli?) si Baron, ibig bang sabihin niyon ay balik-bisyo rin siya as in walwalero na naman siya?
Pero hindi ito ang punchline. Ang siste, willing naman si Baron na mag-taping kung kinakailangan. Paanong siya ang masusunod sa kanyang work schedule kung may ipinatutupad na istriktong proseso once mag-undergo siya ng rehab?
Hindi ba’t may program na sinusunod doon hanggang sa makompleto? Puwede ba namang sa gitna ng kanyang rehab program ay magpapaalam muna si Baron sandali para mag-taping?
At paano kung kailangan ang kanyang character na manatili for a longer period? Eh, ‘di nasira na tuloy ang rehab program, ‘di ba?
Gaano ba talaga kalala ang alcoholism ni Baron na hindi niya kayang mabuhay nang ‘di nasasayaran ng nakakalasing na espiritu? Ang buong akala pa naman ng publiko’y malaki na ang kanyang ipinagbago.
For the worse pa pala.
Samantala, hindi ba dapat ay nagsilbing inspirasyon kay Baron ang kanyang nobyang eksperto pa mandin sa human behavior?
HOT, AW!
ni Ronnie Carrasco III
