HATAW! D'yaryo ng Bayan hatawtabloid.com
Patuloy ang magandang takbo ng showbiz career ni Ara Altamira. Mula sa kanyang pagtitiyaga at pagsusumikap para sa kanyang mga pangarap sa buhay, unti-unting itong natutupad na ngayon.
Mula nang nagbalik siya sa showbiz after ng almost one year stint sa Indonesia bilang model/aktres, kabilang sa mga nagawa niyang projects sa ABS CBN ay Pusong Ligaw, Blood Sisters, MMK, Araw Gabi, Kadenang Ginto, Ipaglaban Mo, Nang Ngumiti ang Langit, at Generals Daughter. Recently, napanood si Ara sa It’s Showtime’s KapareWho surprise, model edition,
Sa GMA-7 naman, nakalabas siya sa My Special Tatay, Tadhana, Wagas at Daddy’s Gurl. Sa Vic Sotto starrer na Daddy’s Gurl na napapanood every Saturday, 7pm, siya si Chloe na officemate ni Maine Mendoza. Ito ang isa sa biggest break niya sa TV dahil mula simula ay parte na siya ng naturang sitcom.
Ang ilan naman sa pelikulang napanood si Ara ay sa Ang Dalawang Misis Reyes, Papa Pogie, at Stranded bilang isa sa girlfriend ni Arjo Atayde.
Sa ngayon ay abala siya sa kanyang acting at modelling career, pero aminado ang 26-year-old na graduate ng BS Tourism Management sa De La Salle University-Dasmariñas na ang priority niya talaga ay ang pagiging aktres.
“Happy po ako sa career ko, pero still hoping na sana tuloy-tuloy and sana mag-level-up. Although hindi natupad, wish ko kasi talaga makapasok sa PBB. I auditioned, umabot sa last stage ng screening, pero hindi na umabot sa natawagan ng ABS CBN. Kasi four times na ako nag-audition since batch pa lang nina Kim Chiu. Not lucky enough, or not my time pa siguro.
“Passion ko po talaga ang acting. Matagal ko nang pinangarap magkaroon ng break dito sa showbiz sa ‘Pinas and I’m still working on it,” sambit ni Ara.
Saad pa niya, “Streaming na sa iWant ang Mga Mata Sa Dilim starring Jessy Mendiola, Derek Ramsay, and Joko Diaz, directed by Enzo Williams. Nandoon po ako as Jane, sana po suportahan ninyo. Pangalawang project ko na ‘yan with iWant, ‘yung una is Hush: Swingers episode na puwede pa rin mapanood sa iWant app.”
ALAM MO NA!
ni Nonie Nicasio
