HATAW! D'yaryo ng Bayan hatawtabloid.com
ISANG mahusay na pokpok ang mapapanood kay Sue Ramirez sa pelikulang Cuddle Weather. Bida rin dito si RK Bagatsing, na siyang partner in crime ni Sue.
Kakaiba at napaka–daring ng role rito ng Kapamilya aktres sa pelikulang handog ng Regal Entertainment Inc., and Project 8 Cor. San Joaquin. Dito’y gumaganap sina Sue at RK bilang pokpok o sex workers na pinagtagpo ng tadhana.
Binibigyan niya ng katuparan ang mga sexual fantasy ng mga kalalakihang handang magbayad ng malaking halaga para sa sa kanilang sexual satisfaction. Gayonman, pangarap din niyang magkaroon ng normal at mapayapang buhay someday.
“I am a sex worker here, kasama ko rito si RK Bagatsing,” saad ni Sue.
Dagdag ng aktres, “Ako ang naging mentor dito ni RK, pero hindi iyong akto (sa sex) ang itinuro ko sa kanya, kundi iyong mga diskarte sa pagpopokpok.”
Noong una ay may halong kaba siyang naramdaman sa maseselang eksena nila ni RK, pero dahil gentleman ang aktor kaya naging komportable raw siya rito. “Si RK is super gentleman. Hindi ako nakaramdam ng ilang. I feel safe around RK, so that’s a great partnership kapag nagtatrabaho kayo. You have to be really comfortable. You have to feel safe with each other. Mayroon nga si Ram, his character, na shower scenes tapos pinapanood siya ng character ko.”
Ayon sa aktres, gusto niyang i-challenge ang sarili kaya tinanggap ang proyekto. “I wanted to challenge myself. I wanted to take on roles na I’m afraid to take on.”
May natutuhan din daw siya sa pagganap sa role na pokpok dito. ”Hindi lang siya tungkol sa mga pokpok, e. Kuwento nating lahat ito, na whatever you do in life, karapat-dapat kang mahalin, at karapat-dapat kang magmahal,” sambit pa niya.
Ang Cuddle Weather ay sa direksiyon ni Rod Marmol at entry sa 3rd Pista ng Pelikulang Pilipino na magaganap mula Sept. 13-19. Tampok din sa pelikula sina Niño Muhlach, Mark Anthony Fernandez, at Aleck Bovick.
ALAM MO NA!
ni Nonie Nicasio
