HATAW! D'yaryo ng Bayan hatawtabloid.com
KAYA kaya ni Marian Rivera na magpaseksi sa harap ng kamera?
Naging matagumpay kasi sa takilya ang pelikulang Just A Stranger na pinagbidahan nina Anne Curtis at Marco Gumabao.
Isa itong May-December affair na kuwento ng isang babaeng may asawa na at isang binata na mas bata sa kanya na nagkakilala sa Portugal.
Nagkaroon sila ng one night stand at pagbalik sa Pilipinas ay muling nagkita (nang hindi sinasadya) at muling itinuloy ang kanilang pagtatalik hanggang mauwi na sa seryosong relasyon.
May mga sizzling love scene sina Anne at Marco sa Just A Stranger. May torrid kissing scenes at may eksenang walang pang-itaas si Anne although nakatalikod naman.
May eksena rin si Anne na nasa beach at naka-two piece bathing suit.
Sa presscon ng Tadhana na nagbalik na bilang host si Marian, tinanong namin ito kung sakaling may iaalok sa kanyang pelikula ang Regal Entertainment Inc. (na may existing movie contract si Marian), papayag ba siya na gumawa ng isang pelikula na tulad ng ginawa ni Anne?
“Hindi ko kaya,” ang mabilis na sagot ni Marian.
Siya ba mismo ang may ayaw o hindi siya papayagan ng mister niyang si Dingdong Dantes?
“Hindi ko kaya.
“Kasi siyempre kanya-kanya ‘yan, kanya-kanyang pagkatao ‘yan. Eh ako medyo hindi ko kakayanin at ayoko rin siya gawin bilang dalawa ‘yung anak ko.
“Na ayokong mapanood nila na magiging ganoon ako, so hindi ako handa sa ganoon.
“Siguro rati na lang, kung dati siguro.
“Pero ngayon hindi talaga,” ang nakangiting sinabi ni Marian.
Si Anne ay wala pang anak, si Marian naman ay may dalawang napaka-cute na mga anak na sina Zia at Ziggy.x
Kaya kahit kissing scene ay hindi kayang gawin ngayon ni Marian sa pelikula.
Sa Sabado ay ipalalabas ang second part ng episode na Serial Killer tampok si Rhian Ramos kasama sina Benjamin Alves, Juancho Trivino, Diva Montelaba, Analyn Barro, at Lara Morena.
Ang second episode naman (na dalawang bahagi rin) ay ang CEO Maid na pagbibidahan ni Lovi Poe.
Napapanood ang Tadhana tuwing Sabado, 3:15 p.m. sa GMA pagkatapos ng Hanggang Sa Dulo Ng Buhay Ko nina Kris Bernal, Rayver Cruz, at Megan Young.
Rated R
ni Rommel Gonzales
