HATAW! D'yaryo ng Bayan hatawtabloid.com
SA Mulanay: Sa Pusod ng Paraiso ang huling pelikulang pinagsamahan nina Gina Alajar at Jaclyn Jose. At ngayong 2019 lang muli sila magsasama sa Circa ni Adolf Alix, entry sa 2019 Pista ng Pelikulang Pilipino na mapapanood na simula Setyembre 13.
Bagamat hindi sila madalas magkasama sa isang proyekto, good friend naman sila, ani Gina sa mediacon ng Circa kamakailan.
“Friends kami ni Direk Gina kahit hindi kami nagkikita at kahit off camera,” sambit naman ni Jaclyn. “Kasi pareho kami ng pinagdaanan sa buhay,” hugot pa ni Jaclyn.
Iniintriga ang pagsasama nina Gina at Jaclyn dahil pareho silang magagaling na aktres. Kaya natanong ang dalawa kung nagpatalbugan ba sila.
“Hindi. I cannot say that,” tugon agad ni Gina. “Nararamdaman naman eh. Ang masasabi ko lang ang experience ko I’m always on my toes. Ang mga eksena lagi kong kaeksena si Jane (Jaclyn), Elizabeth Oropera, Laurice Guillen, si Enchong Dee, at si Ricky Davao, so dapat on your toes ka kasi alam mong ang kaeksena moa lam niya ang gagawin niya eh.
“So sa rehearsal pa lang, ako sa sarili ko, nakikiramdam na ako na ‘nagkakamali ba sila sa linya nila,’ ‘kabisado ba nila ang mga linya nila?’ Kasi kapag nagkamali, kapag hindi memorize, ‘hay tao rin pala sila, nagkakamali, ‘di ba?’ Pero hindi eh, hindi sila nagkakamali. Memorize ang mga linya. Ayokong ako ang maging dahilan ng take two, ayokong mag-buckle o makakalimot ng linya. Because professional ang mga kaeksena ko, ‘yun ang dating sa akin,” dagdag pa ni Gina.
“Sa akin ano lang, before take nga daldalan kami ng daldalan eh. Five four, three, two, one, ayun na parang automatic na. Hindi kami nagpapatalbugan kasi hindi ka pwede umangat o lumubog sa pelikula. Kasi kwentuhan lang eh, natural, normal lang na buhay na pang-araw-araw ng tao. Walang nakitang conflict masyado para mabigyan ng highlight…bigay lang, sapat lang,” sagot naman ni Jaclyn.
Ang Circa ay isang family drama na ukol sa isang matandang movie producer, na ipinagdiriwang ang kanyang centennial year na nagnanais makasama ang mga dating kaibigan.
“I think you would just love the simplicity of the story,” giit pa ni Gina.
Ang Circa ay pinagbibidahan din ni Anita Linda kasama sina Perla Bautista, Rustica Carpio, Alessandra de Rossi, Liza Lorena, Alan Paule, Rosanna Roces ay may special participation si Eddie Garcia.
Ipinrodyus ito ng ABAJ Film Productions, Noble Wolf, Swift Productions, RSVP na may suporta ng Hongkong-Asia Film Financing Forum and White Light at ipinamamahagi ng Solar Pictures.
SHOWBIZ KONEK
ni Maricris Valdez Nicasio
