In good shape na uli… Marian Rivera balik-hosting sa Tadhana na nasa ikalawang taon na

MATAGAL na hindi napa­nood si Marian Rivera bilang host sa award-winning drama anthology na “Tadhana” na this month ay nagse-celebrate ng kanilang 2nd anniversary.

At tulad ng panganay nila ni Dingdong Dantes na si Zia ay naging hands-on Mommy si Marian sa bagong baby nila na si Ziggy na pa-breastfeed din niya. Tapos siya pa ang naghahatid at sundo kay Zia sa school kaya isinantabi na muna ng magandang actress-host ang kanyang trabaho sa GMA.

Pero ngayong lumalaki na si Ziggy ay nag-decide na si Marian na balikan ang kanyang mga show na Tadhana at Sunday Pinasaya. At happy siya kahit ang mister na si Dingdong ang pansa­mantalang humalili sa kanya ay mataas pa rin ang ratings ng kanyang weekend show.

Samantala sa mediacon ni Marian last Friday para sa pangalawang anibersaryo ng Tadhana, after daw ng kanilang anniv episode na talaga namang kaabang-abang ay ipi-feauture nila ang light stories ng mga OFW. Isang buwan ang itatagal ng second anniversary special ng Tadhana, na may dala­wang special pre­sentations.

Napanood na last Saturday ang part 1 episode na “Serial Killer,” tampok sina Benjamin Alves, Juancho Trivino, Diva Montelaba, Analyn Barro, Lara Morena, at Rhian Ramos. Mapa­panood ngayong September 14 ang part 2 o last episode nito.

Ang pangalawang presentation naman na may pamagat na “CEO Maid” ay pagbibidahan ni Lovi Poe at ipapalabas sa September 21 at 28. Bale 14 episodes ang inyong mapapanood sa month-long anniversary presentation na Tadhana at nangako si Marian sa kanilang Tadhana team na kapag hindi na busy si Dong ay gaga­wa sila ng episode para rito.

VONGGANG CHIKA!
ni Peter Ledesma