HATAW! D'yaryo ng Bayan hatawtabloid.com
NAGBABALIK ang international model, singer, producer ng mga show, businessman, actor, at pilantropong si Marc Cody Senior. Year 2003-2008 siya naging aktibong model sa Europe.
Ngayon ay may nilulutong kaabang-abang na projects si Marc, kabilang dito ang kanyang magazine type cook book at ang YouTube channel niya na so far ay 25 percent na ang natatapos na videos.
Panimulang kuwento niya sa amin, “Actually Tito, local dish and fusion ito.”
Kailan nag-start ang pagkahilig niya sa pagluluto? Bakit hindi siya kumuha ng culinary course? “Kasi Tito, I don’t need to be a chef… may mga tao nga na kumuha ng six months certificate, chef na. Di ako ‘yun, kung magiging gold itong ginagawa ko, I want everyone to know that anyone can cook. So ‘yun ang title ng magazine ko, “Everyone Can Cook” na sa mga supermarket ilalabas.
“I didn’t study, pero alam n’yo naman ako, nagluluto para sa pagmamahal. Since then Tito, mahilig na ako magluto, pero ‘yung pagluluto ko, I do it not to earn. I do it para sa mga bisita, mga charity, sa mga kaibigan, ganoon. So kahit hanggang ngayon, ganoon pa rin ang ginagawa ko, I always cook para magbigay. Nag-start ako since I went back here in the Philippines. During sa co-op pa rin sa Montalban, siguro 10 years ago na.”
Bakit Everyone Can Cook? Madadaling recipe ba ito? “Everyone Can Cook, kasi katulad ko, ‘di naman ako culinary chef pero at least, I was able to cook din. Naging passion ko iyon, e. So ‘yun, I would like everyone to know that everyone can cook and you don’t need be a certified sa level ng culinary expert,” aniya.
Actually, si Marc ay muntik makapasok noon sa Master Chef Asia. “Muntik ako makapasok sa Master Chef Asia, kaso naging Top-10 lang ako sa Filipinas, ‘saka ako natanggal. Muntik na ako roon sa Master Chef Asia, kasi iba ‘yung Master Chef Philippines, e, iba rin ‘yung Master Chef Asia, per country, may representative. Muntik na ako roon, I was able to be like, umabot na ako sa pinaka-final stage. Saka before rin naman, may background ako sa Channel 5 at Studio 23, main guest ako roon, resident cook ako,” sambit ni Marc.
ALAM MO NA!
ni Nonie Nicasio
