Alden, malakas na ang loob, ka-loveteam ‘di na kailangan

NGAYON malakas ang loob ni Alden Richards na magsabing hindi pala kailangan ang isang love team para kumita ang isang pelikula. Wala nga kasing duda na ang pinakamalaking hit na nagawa niya ay ang pelikula ni Kathryn Bernardo na hindi naman niya ka-love team. Kailangan din siguro niyang tanggapin na ang pelikula ay hindi ginawa ng kanyang home network kundi ng kalaban noon.

Pero hindi naman niya masasabing hindi kailangan ang love team. Kailangang aminin din naman niya ang katotohanan na mas sumikat siya noong makasama niya si Maine Mendoza roon saAlDub. Noong walang AlDub, hindi naman siya ganoon kasikat, at kung hindi nga siya ganoon kasikat, mabuti kung maisipan naman siyang itambal kay Kathryn.

Kaya sana huwag balewalain ang love team.

HATAWAN
ni Ed de Leon