Sue, walang takot na nagbuyangyang sa Cuddle Weather

SA poster pa lang, nakaiintriga na ang mga pose na ginawa nina Sue Ramirez at RK Bagatsing para sa pelikulang Cuddle Weather, official entry ng Regal Entertainment para sa Pista ng Pelikulang Pilipino or PPP.

Suggestive at daring ang posisyon nina Sue at RK kaya may idea na tayo kung ukol saan ang pelikula. Tatalakayin sa pelikula ang isang sensitive topic na nag-e-exist naman sa ating komunidad.

“This is the most fearless role that I’ve taken on,” sambit Sue Ramirez na gumaganao na pokpok.

“I am a sex worker here. Kasama ko rito si RK Bagatsing,” ani Sue.

Bagamat seryoso ang subject ng pelikula, isang romantic-comedy ito. First time ring ginawa ni Sue ang magpaka-daring na kilala sa pagiging wholesome.

“It’s a different side of me. It’s something that I’m afraid of, but kinagat ko and kapag nandoon ka na, you’re gonna have that urge to do well at it. Kasi kapag may mga tinanggap akong bagay sa buhay ko, gusto ko fight ako talaga, as in…” 

Aminado naman si Sue na ninerbiyos siya sa mga lovescene nila ni RK. At malaki ang pasalamat niya dahil inalagaan siya ng magaling na aktor kaya naman naging komportable na siya.

“Si RK super gentleman. Hindi ako nakaramdam ng ilang. I feel safe around RK, so that’s a great partnership ‘pag nagtatrabaho kayo. You have to be really comfortable. You have to feel safe with each other. Mayroon nga si Ram, his character, na shower scenes tapos pinanonood siya ng character ko.” 

Nang tanungin kung hanggang saan kaya magbuyangyang ni Sue, sagot niya, “As far as they need me and as far as Star Magic will allow me. But the character of the movie, maganda ang journey ni Adela Johnson. Mararamdaman ng mga makakapanood nito ang kilig at ang pagiging strong at ang weakness ni Adela, because sila rin, may marupok na puso.” 

Idinagdag pa ng aktres, “Ikinukuwento sa pelikula nito paano ba sila mabuhay sa panahong ito. Nai-in love ba sila?” 

Sa kabilang banda, hindi puro pagpapa-sexy ang pelikula. Brilliant ang story nito, ‘ika nga ni Sue, “a serious and socially relevant issue told in a comedy. 

“It’s funny, it’s very witty, it’s not your typical hugot film, hindi lang huhugot, babaon pa sa inyong mga puso” sambit pa ng aktres.

SHOWBIZ KONEK
ni Maricris Valdez Nicasio