Alden, excited sa pagiging bulag sa The Gift

ISANG panibagong challenging role ang gagampanan ni Alden Richards sa kanyang upcoming GMA series na The Gift.

Ayon sa ulat ng 24 Oras, hindi ipinanganak na bulag pero bulag ang karakter ni Alden sa primetime soap. At sa kabila ng kapansanan, maghahatid siya ng inspirasyon at positibong pagbabago sa buhay ng mga taong nakapaligid sa kanya.

Bilang paghahanda sa kanyang karakter, sumabak si Alden sa immersion sa tulong at guidance ng Resources for the Blind Incorporated, isang non-governmental organization na tumutulong sa mga visually impaired.

“Mas lalo akong na-excite gawin ‘yung role. Nakaka-move lang being here today and experiencing first hand kung ano talaga ‘yung pakiramdam ng pagiging bulag,” saad ni Alden.

Dagdag pa ng Kapuso actor, “Sana itong ‘The Gift’ will give them inspiration na kahit na bulag, kahit na walang paningin, puwede ka pa ring maging blessing sa ibang tao.”

Makakasama rin ni Alden sa serye sina Jean Garcia, Mikee Quintos, Thia Thomalla, Rochelle Pangilinan, Jo Berry, Martin del Rosario, Divine Tetay, at Elizabeth Oropesa.

Rated R
ni Rommel Gonzales