HATAW! D'yaryo ng Bayan hatawtabloid.com
NAGING matagumpay ang premiere night ng pelikulang Indak na pinagbibidahan nina Nadine Lustre at Sam Concepcion last August 5, 2019 sa SM Megamall Cinema 1.
Bongga ang mga production number ng INDAK Crew kaya naman tiyak mag-eenjoy ang mga Pinoy na mahihilig sumayaw at nangangarap na maging isang mahusay na mananayaw.
Maganda ang kuwento ng Indak na talaga namang kapupulutan ng aral. Bukod sa mahusay na performances mula kina Nadine at Sam hangang sa mga supporting actors.
Ilan sa nakita naming dumalo at nanood ng premiere night ng Indak ang mga bosing ng VIVA Entertainment na sina Boss Vic Del Rosario, Boss Vincent Del Rosario, Boss Veronique Del Rosario, James Reid, Jericho Rosales kasama ang kanyang maybahay na si Kim Jones atbp..
Kabituin nina Nadine at Sam sa Indak sina Julian Trono, Vito Marquez, Mayton Eugenio, Race Matias, Alyanna Asistio with Billy Joe Crawford, Mutya Datul (Ms Supranational), Yayo Aguila, G Force atbp..
Ang Indak ay mula sa mahusay na direksiyon ni Paul Basinillo, hatid ng Viva Films at napapanood na sa kasalukuyan sa mga sinehan nationwide.
MATABIL
ni John Fontanilla
