HATAW! D'yaryo ng Bayan hatawtabloid.com
MARAMING papuri ang natatanggap ng pelikulang Belle Douleur na opisyal na entry sa 2019 Cinemalaya Philippine Independent Film Festival. Very soon ay mapapanood na ng mas maraming Pinoy ang pinakamainit na pag-iibigan sa big screen ngayong taon na ipalalabas sa mga sinehan sa buong bansa simula 14 Agosto.
Pinagbibidahan ng multi-awarded actress na si Mylene Dizon at ng hottest young actor ngayon na si Kit Thompson, ang Belle Douleur ang unang pelikulang idinirek ni Atty. Joji Alonso matapos siyang makilala sa pagpoprodyus ng mga pelikula sa Quantum Films.
Ginagampanan ni Mylene si Elizabeth, isang 45 anyos career woman na kontento nang mabuhay mag-isa at hindi na nag-asawa pa.
Tapos pumanaw ng kanyang ina, kukumbinsihin siya ng mga kaibigan na gumawa ng hindi niya pa nasusubukan. Makikilala niya si Josh (Kit), isang kolektor ng mga antique items na 20 taon ang kabataan sa kanya. Sa kabila ng agwat sa edad, matututuhan nilang mahalin ang isa’t isa at matuturuan ni Josh si Elizabeth na hindi pa huli para umibig.
Ngunit maaaring mapanganib ang nabuo nilang relasyon dahil may mga pangarap pa si Josh na ayaw nang pakialaman ni Elizabeth.
Ang “Belle Douleur” ay ipinrodyus ng Quantum Films at iWant. Mapapanood na ito sa mga sinehan sa buong bansa simula 14 Agosto.
ALAM MO NA!
ni Nonie Nicasio
