HATAW! D'yaryo ng Bayan hatawtabloid.com
PINATUNAYAN nina Nadine Lustre at James Red na hindi totoo ang balitang hiwalay na sila.
Noong Lunes ng gabi, isa si James sa nagbigay suporta kay Nadine, sa premiere night ng pelikula nitong Indak kasama si Sam Concepcion sa SM Megamall Cinema 1.
Magkasabay na dumating at naglakad sa red carpet sina Nadine at James kaya naman lalong nagkagulo ang fans na naghihintay sa kanila. Hindi magkamayaw sa kasisigaw at pagbati sa dalawa. Kagyat na iniwan ni James si Nadine para pumasok na samantalang si Nadine naman ay nagtungo sa entablado para batiin ang mga fan na naroon.
Punumpuno ang Megamall Cinema nang gabing iyon na hindi inalintana ng fans ang malakas na ulan kaya naman ganoon na lamang ang kasiyahan ng mga bida ng Indak kasama na ang kanilang director na si Paul Basinillo.
Tulad ng pelikulang Step-Up na nakae-excite panoorin, ganoon din ang Indak dahil bukod sa mga exciting dance routine, maganda ang pagkakalatag ng istorya. Kahanga-hanga rin ang mga shot sa dance moves nina Nadine at Sam ha kasama ang iba pang dance crew. Talaga namang mapapa-whew ka sa galing! Marami ring ipinakitang bagong dance moves ang mga bida ng Indak na kung mahilig ka sa sayaw, tiyak na maa-appreciate mo ang pelikulang ito.
Palabas na sa kasalukuyan ang Indak na handog ng Viva Entertainment sa lahat ng mga sinehan. Kaya go na kayo para hindi kayo mapag-iwanan ng mga latest dance move from Nadine and Sam.
SHOWBIZ KONEK
ni Maricris Valdez Nicasio
