Nadine, ‘di dapat nang-iisnab ng trabaho

MALAKING bagay para sa sinumang artista ang mapabilang sa taunang Metro Manila Film Festival.

Maihahalintulad namin ito sa eleksiyon sa barangay na kinamamatayang salihan.

Balita ngang si Bela Padilla na ang opisyal na makakasama ni Aga Muhlach sa Miracle in Cell #7, replacing Nadine Lustre. At ang ibinigay na dahilan ng pag-back out ng Viva artist at two-time Best Actress ay dahil “quota” na siya sa sunod-sunod niyang trabaho.

Alam naming may saturation point ang sinumang artista. Tao sila’t hindi makinang walang kapaguran. At kung nagbe-break down nga ang makina, tao pa kaya?

Ang hindi naming sukat maintintihan kay Nadine ay ang limitado niyang perspektibo sa trabaho. Paano pa kung nakatengga lang siya’t walang ginagawa, hindi ba’t karekla-reklamo ‘yon?

Nadine should treat every assignment coming her way as a blessing.

Hindi porke’t kahilera na niya ang mga mahuhusay na aktres sa bansa—to think na bata pa siya—ay can afford na niyang mang-isnab ng trabaho.

Working during Christmas time may be depriving. Sino ba naman din kasi ang gustong sumabak sa sobrang trabaho sa panahong dapat ay iginugugol sa pamilya, sa pagsa-shopping ng mga regalo, sa bakasyon marahil sa ibang bansa para pansamantalang makapagpahinga?

While Bela is a good choice, malayo ang estado nila ni Nadine, in the sense that mukhang wala pang nagagawang blockbuster na pelikula ang una.

HOT, AW!
ni Ronnie Carrasco III