HATAW! D'yaryo ng Bayan hatawtabloid.com
KINAKALIMUTAN nga muna yatang talaga ng aktres na si Ara Mina ang mga bagay na may kinalaman sa love!
Kamakailan ay nagbukas na naman siya ng kung ika-ilang branch ng kanyang Hazelberry cupcakes. Na nagsimula lang sa pagsubok niya na makagawa ng nausong red velvet cakes.
“Aminado ako, ang hirap talaga mag-bake Tita Pi. Pero tiniyaga ko talaga siya. Kasi kailangan umalsa. May mga experiment din. Nag-aral na ako ng Culinary. Pero iba ang dating sa akin ng pag-bake ng cake. And noong malaman ko na how it is done, ayan! Cake decorating naman ang pinagbubutihan ko. Kasi marami na ring orders.”
Pero sa kabila ng pagiging abala niya sa kusina o kaya eh, sa mga puwesto na itinitinda her now famous Hazelberry cakes, hindi naman pinababayaan ni Ara ang kanyang looks.
Going strong ang nauna niyang negosyo sa pagpapaganda, ang Ara’s Secrets na naging Pure Glowat nag-e-evolve every now and then.
At dumating sa buhay niya ang matagal na niyang kakilala at kaibigan na si Dioceldo Sy. Ito lang naman ang negosyante sa likod ng Ever Bilena. Na 36 taon na palang namamayagpag sa merkado.
“Ang plano sana namin ni Boss Deo was to collaborate para sa Ara’s Secrets ko. Natigil ang planning namin doon. ‘Yun naman pala, may iba kaming gagawin. For nine months ng extensive planning, research, innovation, heto na ang Ara Colours. My own line-up ng beauty products. Lipstick muna and then susunod na ang iba pang kailangan nating mga girl sa mukha.”
Natutuwa nga si Boss Deo niya kay Ara.
“She’s very hands-on sa gusto niya sa ginagawa niya. From the font na gagamitin sa pangalan ng produkto niya, even in naming the colors of the lipsticks. Iniba niya. Names of her favorite countries na napuntahan na niya at pupuntahan pa. Pati sa pagsubok sa colors, sa scents hanggang sa packaging, siya mismo ang sumubok. Talagang kita mo ang passion niya in what she does!”
At inilunsad na nga sa Luxent Hotel ang bago niyang baby. Na dinaluhan ng mga celebrity sissies niya like Diana Zubiri, Jaycee Parker, Phoebe Walker, Sugar Mercado, Patricia Javier, Gladys Reyes, Alynna Velasquez, at Barbie Imperial. Dumalo rin ang kapatid niyang si Cris Mathay with partner Rikki (nee Kwek).
Tuwang-tuwa ang suppliers na dumalo sa grand launch ng #effortlesslybeautiful na #AraColoursPH na mabibili na sa Lazada, Shopee, at lahat ng Ever Bilena Direct Sales outlets nationwide.
Ang sorpresa nina Boss Deo and brother Siliman Sy kay Ara ay ang nagkakatukan at nanliligaw ng resellers sa opisina nila para mas mapalaganap pa ito sa mainstream market.
So, paano na ba ang mga nagtatangkang manligaw sa Mommy ni Mandy? Kung ganitong cashing-cashing ang tunog ng tagumpay para sa aktres?
Mahaba-haba na nga ba ang pila? Kailan sila papansinin ni Ara?
HARD TALK!
ni Pilar Mateo
