Marie Preizer, na-starstruck kay Nora Aunor

AMINADO ang newbie actress na si Marie Preizer na na-starstruck siya sa Superstar na si Nora Aunor. Nabanggit niya ang sobrang kasiyahan nang nabigyan  ng chance na maging part ng pelikulang Isa Pang Bahaghari na tinatampukan nina Ms. Aunor, Phillip Salvador, at Michael de Mesa.

“Ito ‘yung unang pelikulang I’m in at nakilala ko lang si Ms. Nora Aunor a few days ago and super starstruck tala­ga ako dahil alam na alam ko, she’s one of the best, if not the best, actress talaga in the Philippines. Mabait po siya and very humble,” saad ni Marie.

Hatid ng Heaven’s Best Entertainment, ito’y mula sa pamamahala ng batikang direktor na si Joel Lamangan.

Ipinahayag ni Marie kung gaano siya kasaya sa proyektong ito. “Yung role ko sa pelikula ay si Monica, ang ex-girlfriend ni Peter played by Joseph Marco. And he is one of the son ng main character.

“Maigsi lang po ang role ko, pero kahit na maigsi lang, super-blessed po ako and happy na ‘yung unang pelikula ko is directed by sir Joel Lamangan, one of the best directors talaga sa showbiz. And I’m able to work with other great actors together and be in the same movie with the one and only Ms. Nora Aunor, talagang dream come true iyon and super blessed and happy po talaga ako. I know na after doing this movie, I will learn a lot from them,” masayang saad ng magandang aktres.

Si Marie ay laki sa Austria at may previous acting exposure sa teatro sa Vienna dahil ang mother niya ay isang writer and director sa Vienna theater. “Noon it was actually more for fun and it was for charity then. Kaya I came here wanting to be more serious in acting,” aniya.

Ang kabuuan ng casts ng Isa Pang Bahaghari ay kinabibilangan nina Zanjoe Marudo, Sanya Lopez, Joseph Marco, Albie Casiño, Maris Racal, Migs Almendras, Lloyd Samartino, Hero Bautista, Fanny Serrano, Jim Pebanco, Shido Roxas, at iba pa.

ALAM MO NA!
ni Nonie Nicasio