HATAW! D'yaryo ng Bayan hatawtabloid.com
AMINADO ang newbie actor na si Paul Hernandez na masaya siya sa nangyayari sa kanyang showbiz career. Siya ay 19 years old, tubong Cebu at nag-aaral sa North Eastern Cebu Colleges ng kursong Business Administration.
Mapapanood siya sa advocacy film na Marineros ng Golden Tiger Films mula sa pamamahala ni Direk Anthony Hernandez. Ito’y tinatampukan ng veteran actor na si Michael de Mesa, kasama sina Ahron Villena, Valerie Concepcion, Claire Ruiz, Jon Lucas, Jef Gaitan, Alvin Nakasi, Moses Loyola, at iba pa.
Bago ito, nakalabas na rin si Paul sa short film sa Cebu titled Nueva Oro at indie film na One Silent Morning directed by Anthony Hernandez.
“Talagang sobrang happy, kaya ‘di ko ma-explain kung paano ako magpapasalamat kay direk Anthony sa mga ibinibigay niya sa aking project. Pati parents ko, sobrang proud at happy and nagpapasalamat sila kay Direk Anthony,” saad ni Paul.
Inusisa namin ang role niya sa Marineros? “Sa movie, ako po si Kelvin, bunsong anak na lalaki ni Mr. Michael de Mesa, na black sheep ng family. Bale ang work ko rito ay waiter sa isang luxury liner,” aniya.
Madalas daw niyang kaeksena rito sina Jeff at Direk Anthony. Pero, kinabahan ba siya nang nakaeksena si Michael? “Natural po may kaba, kasi veteran actor iyon e, tapos ako ay baguhan lang. So, may time na kinabahan talaga ako, pero inalalayan niya po ako. Mabait si Direk Michael.”
Ipinahayag ni Direk Anthony ang pagkabilib sa husay ni Paul bilang actor.
“Napahanga ako ni Paul Hernandez sa galing ng pagganap sa character niya as Kelvin Marisol. Lalo na sa eksena namin na kinunan sa Hong Kong na gumanap ako bilang Marigold, isang performer sa cruise ship. Si Paul, marunong siyang makipagsabayan sa mga kaeksena niya, malayo ang mararating niya.”
ALAM MO NA!
ni Nonie Nicasio
