Bela, first time at kabado kay Aga

First time namang makakatrabaho ni Bela si Aga Muhlach at aminadong sobra-sobra ang kaba niya.

“Ayoko muna siyang isipin. Gusto ko munang tapusin ang mga eksena ko rito sa Sino Ang May Sala? Tapos I’m very thankful to the production of Miracle Cell No. 7, they moved my shooting dates para maka-concentrate ako rito kasi alam nilang patapos na kami. They gave me enough time to prepare also for Miracle, kasi I want to change my look also for the movie,” sambit pa ng aktres.

Pagbabahagi pa ni Bela, nagkita na sila ni Aga nang mag-look-test last week, ”honestly there’s really magic around Kuya Aga. Mayroon talaga siyang kinang na ewan ko siguro dahil fan girl lang ako, pero mayroon siya eh kahit look test lang, he spark something on screen. I was watching on him na siya lang mag-isa sa video at amaze na amaze na ako, wala pang lines, pero humahanga na ako.”

Sa kabilang banda, pinayuhan naman ni Bela ang mga kapwa niya artista na magkaroon sila ng debriefing pagkatapos ng kanilang drama show dahil na rin sa sobrang bigat ng mga karakter na ginagampanan nila.

Inaya nga niya ang mga ito na magtungo sa isang beach dahil iyon ang ginagawa niya para makakawala sa karakter na ginampanan at nakatutulong iyon sa kanya.

SHOWBIZ KONEK
ni Maricris Valdez Nicasio