HATAW! D'yaryo ng Bayan hatawtabloid.com
AMINADO si Atty Joji Villanueva Alonso na kinabahan siya sa paggawa ng mga lovescene nina Mylene Dizon at Kit Thompson, unang full length movie direction niya, ang Belle Douleur (Beautiful Pain) na handog ng kanyang Quantum Films Inc., at isa sa entry ng Cinemalaya 2019 na mapapanood ngayong Agosto.
Tatlo ang lovescene na kinunan at ginawa ni Atty. Joji na aniya’y, “each love scene has a story to tell. Hindi ko siya ginawa para lang mapahubad ang mga tao.
“In fact, Kit—sabi ko, mag-cover tayo, maglalagay tayo ng cover-cover. ‘Direk okey lang ako na wala, sabi sa akin ni Kit. Pero sabi ko, ‘wag mong gawin ‘yan. Malayo pa ang mararaming mo bata, huwag mong ipakita lahat. Ako pa ang nagsabi and which is true,” sambit ng lawyer-producer.
Kabado si Atty. Joji dahil paliwanag niya, “nirerespeto ko ang mga artista. Mataas ang respeto ko sa kanila. Kaya iniingatan ko sila.
“Sa tatlong lovescene, lahat iyon may rason kung bakit ko ginawa. ‘Yung last lovescene, is a representation of freedom kaya may nudity,” sambit pa ng abogadong-direktor.
Sa paggawa naman ng Belle Douleur, sinabi ng direktor na, “It’s a poignant film about a human being who tries to get out of a—paano ko ba ilalagay—shell that society had put that person. I’m not even referring to her as a woman, it’s a person.”
SHOWBIZ KONEK
ni Maricris Valdez Nicasio
