Ima, inaya nang magpakasal ng BF model na si Mark Francis

ANG modelong si Mark Francis Canlas at dating West End Ms Saigon Ima Castro ang bagong dagdag sa listahan ng celebrity couples na na-engage ngayong taon.

Noong July 15 ay nag-propose na si Mark Francis kay Ima sa Penthouse ng Privato Hotel Roces Ave. Quezon City sa tulong ng mga malalapit nitong kaibigan na sina Ms Cecille Bravo at Mr Raoul Barbosa.

Ang buong akala ni Ima ay surprise party ni Mark Francis ang kanyang pupuntahan kasama ang Ina ng BF, pero hindi nito alam na siya ang masusorpresa.

Habang kumakanta ito ng Bukas na lang kita Mamahalin ay laking gulat nito nang maglabasan lahat ng tao at niyaya na rin siyang lumabas At dito na niya nakita ang tarpaulin na  may nakasulat na, “Its time for us 2 be together, Will You Marry Me, na naiyak si Ima.

Sabay nito ang paglabas ni Mark na may dalang bouquet of flowers at balloons at nang matapos kumanta ni Ima ay lumapit ang binata at saka iniabot ang dala-dalang bulaklak sabay luhod at abot ng gold diamond ring gayundin ang pagsambit ng Will You Marry Me na sinagot naman ni Ima ng”Yes.”

Ilan sa mga malalapit na kaibigan nina Mark Francis at Ima na sumaksi sa mahalagang gabing iyon sa buhay nina Mark Francis at Ima ay sina Kit Kat, Kaye Dacer, Douglas Nierras, John Nite, DJ Janna Chu Chu, Tito Ramon (from Taal, Batangas), Mr. Pete Bravo, Ninang Erlinda Sanchez,Rene Vismanos, Raymund Jumaouas, Raymund Saul, Jeru Bravo, Jeffrey Dizon, Sir Ralston Segundo, Ninong Benjie Montenegro, Mr and Mrs Paguio Ong (parents ni Daryl Ong).

MATABIL
ni John Fontanilla