HATAW! D'yaryo ng Bayan hatawtabloid.com
MASAYA ang talented na recording artist na si Rayantha Leigh dahil kabilang siya sa tatlong host ng Artista Teen Quest 2019! na ang pilot episode ay ngayong araw na, July 12.
Sambit ni Rayantha, “Masaya po ako at forever thankful po ako sa lahat ng sumusuporta sa akin dahil sila po ang nagbibigay ng lakas at confidence sa akin. Thankful din po ako sa SMAC Television Production sa pagbibigay sa akin ng new project at sa trust po sa akin.”
“Mag-iikot po kami sa iba’t ibang lugar sa Filipinas upang maghanap ng 13 stars ng Artista Teen Quest of IBC 13. Bale, magpapa-audition po kami at may iba-iba pang level hangga’t may top 13 na matitira. Ang puwede pong sumali ay 13-19 years old po, dapat artistahin, marunong kumanta, sumayaw, at umarte.”
Ang Artista Teen Quest 2019! ang unang reality talent search na handog ng SMAC Televison Production at mapapanood 9:30 – 11:00 pm sa IBC TV 13. Kasamang host dito ni Rayantha sina Isaiah Tiglao at Princess Ella Apon.
Sina Riva Quenery, Anton Juarez, Mateo San Juan, at Justin Lee naman ang tumatayong juries.
May forthcoming projects ba siya? “Sa ngayon po dahil pasukan na, pinagkakaabalahan ko po ang aking studies at hinding-hindi ko po iyon pababayaan. Isa rin po rito ang aking show na Artista Teen Quest, at sana po ay more projects and blessings this year.”
ALAM MO NA!
ni Nonie Nicasio
