HATAW! D'yaryo ng Bayan hatawtabloid.com
KAHIT abala sa kaliwa’t kanang shooting at tapings, nagagawan pa rin ng paraan ng award-winning indie actor na si Tonz Are na makibahagi sa mga acting workshop. Tulad ng ginawa nila recently sa Artistarz Academy sa Gaisano Mall, Binangonan branch.
Saad ni Tonz, “I feel so happy and blessed that I was able to share my God given talent with these kids. Thanks Artistarz Academy Binangonan branch, kina Sir Prince Nicholson CEO, Cea Broso, Vice President, at branch manager Mommy Connie Caoagdan, maraming salamat for trusting me.
“Hindi ako magsasawang tumulong sa mga bata, lalo na’t may mga potential sila at mababait, siyempre sa mga parents na todo support mula 12 noon to 6pm ay talagang nakabantay po sila sa mga anak nila para saksihan ang workshop. Sa mga gustong mag-workshop pa, please visit Artistarz Academy page, naroon po lahat ng mga information for workshop.”
Nabanggit pa ni Tonz ang mga project na dapat abangan sa kanya. “Abangan din po ninyo soon ang aking bagong pelikulang Hiro under KnightVision Entertainment, sa direksiyon ni Marvin Gabas.
Ipalalabas na rin ito sa schools and selected cinemas sa August. Ako rito si Dos at may kasama akong tatlong clown na sina (Uno) Marco Delovino at (Tres) Jojo Lagudas, (Kuwatro) Fahad Pondugar. Kasama rin dito sina James Marco, Bojie Pascua, at ang bidang si Yuna Theodore Bañares.
“Plus itong Kid Kamao, isang action-drama film ni Direk Niel Talavera. Ako po rito si Kid Kamao, ang title role, kasama ko rito sina Maridel Pacleb, Glenn Darakan, Arthus Arboleda Rald Bassig, JM Fernando, Jay Melo, showing po ito this July 19 sa TCM Mall Pasay, 4pm.
“Regular na rin po ako sa SOCO sa ABS CBN at this Saturday 4pm, sa episode ko na Storage Box, kuwento ng isang teenager na itinapon sa Biñan, Laguna na naka-storage box. Also Mondays to Fridays 12 midnight, The 700 Club Asia sa GMA-7 naman po,” sambit ni Tonz.
ALAM MO NA!
ni Nonie Nicasio
