Kenken Nuyad, gustong sumunod sa yapak ni Eddie Garcia

ANG award-winning child actor na si Kenken Nuyad ang isa sa labis na nalungkot sa sina­pit ng veteran actor na si Eddie Garcia. Isa si Kenken sa naki­ramay sa burol ni Manoy Eddie.

Nabanggit ng Kapamilya child actor na nanghihinayang siya dahil hindi nagkaroon ng chance na makatrabaho si Manoy. ”Sobrang lungkot po nang nabalitaan ko ang nangyari sa kanya, kasi po idol ko po siya. Idol ko po silang dalawa ni Kuya Coco Martin dahil wala silang arte sa katawan, mabait sila sa fans at sa mga taong nakapaligid sa kanila.

“Nanghihinayang po ako dahil hindi ko siya naka-eksena sa Probinsyano, pero na-meet ko na po siya sa Gawad Pasado awards,” saad ni Kenken.

Pahabol niya, “Gusto ko po siyang makasama sa isang pelikula sana at sabi ng asawa po niya ako raw ang susunod na Eddie Garcia. Nagpunta po kasi kami sa burol niya. Gusto ko pong sundan ang yapak niya, kung puwede po sana.”

Si Kenken ay mapapanood very soon sa pelikulang The Fate ni Direk Rey Coloma. Kasa­ma niyang bida rito sina Kelvin Miranda at Elaiza Jane.

Sa ngayon ay tuloy pa rin siyang napapanood sa FPJ’s Ang Probinsyano at umaasa si Ken­ken na in the future ay magka­roon siya ng entry sa Metro Manila Film Festival.

“Sa ngayon po ay naghi­hintay ako ng marami pa pong project at gusto ko po makasali sa MMFF. Gusto ko po kasing makasakay sa float at makasali sa parade ng mga bituin,” naka­ngiting saad ng 10-year old na si Kenken na so far ay naka­sung­kit na ng tatlong acting awards.

ALAM MO NA!
ni Nonie Nicasio